Pengantu-antu
Dening Waluyo
Bagaskara mandangi
mayapada
Bis pating sliwer
Pating brengok
Antarane suwara uwong
uga mesin
Kebul buleg saka
knalpot
Aku ngadek njegegreg
kaya reca
Mataku jlalatan
mrana-mrene
Muga tumbuk karo kang
dak karepake
Embuh bis pira wae
kang liwat
Saben bis teka dak
pandengi
Apa meneh bis kang
bisa mbok-tumpaki
Suwe-suwe ora kuwat
Kang wis janji ora
katon
Jroning ati misuh
Pangantu-antuku tetep
Isih pangantu-antu
Kapethik Saka: Jaka
Lodhang, 22 Januari 2005
Komentar